Kreu i LZHK-së Dashamir Shehi I ftuar në ‘Fax News’ ka folur për një sërë çështjesh të aktualitetit politik në vend përfshirë edhe situatën në kampin opozitarë ku ditëve të fundit ka pasur zëra që flisnin për një rikthim të Berishës në krye të PD-së si e vetmja mënyrë për të bërë bashkimin dhe shpëtuar këtë parti.
Në lidhje me këtë ide, Shehi tha se Berisha e ka vendin në histori dhe nëse ai do të rikthehet nuk do të ishte shumë mirë edhe për të.
“Berisha e ka bërë vendin e tij në histori, e ka vendin atje, është pjesë e historisë, nëse do që të kthehet, për herë të tretë, nëse bëhet tre herë nuse…unë gjykoj që nuk bëhesh tre herë nuse, edhe Berluskoni u fut për herë të tretë por e pamë si doli. Berisha mund të luajë rol, por nëse do të kthehet si lider, nuk është as për atë personalisht më një pozicion i mirë”, tha Shehi.
Ndërsa në lidhje me Bashën kreu i LZHK-së u shpreh se ai ka mjaft të meta por sfida e tij nuk është me të vetët por me qeverinë, duke shtua se edhe kundërshtarët e tij brenda në PD nuk duhet të kenë si synim rrëzimin e kryetarit. (B.H/Faxweb)
Discussion about this post