Kujtim Mema, kreu i shoqatës së Transportit Publik ka zbuluar ndikimin që ka shkaktuar situata e kòronavirusit. Në një intervistë për “Fax News”, shprehet se për të përballuar situatën, biletat duhet të rriten me të paktën 30%.
“Duhet detyrimisht të rrisim biletën. Kjo duhet të jetë në varësi të gjatësisë së linjës, por 30% duhet të rritet domosdo. Kjo nuk bëhet për qejfin tonë, por nuk mund të shkojmë në një linjë me atë lloj kapaciteti dhe me këtë biletë. Fakti që është e ulët nga çmimi, po ti referohemi, çmimi është vënë që në vitin ‘99. Në këtë moment jemi në gjendje të tillë.me këtë 30% nuk është fitim, por do përballojmë shpenzimet, një fitim minimal dhe këto familje që punojnë në këtë biznes nuk kanë të ardhura të tjera”, tha Mema.
Kreu i Shoqatës shtoi se do të merren masat për të shmangur përhapjen e ínfeksionit tek qytetarët që lëvizin me transportin publik.
“Në një mjet prej 30 vetësh, do të hipin 15 persona. Duhet të jenë me maska dhe doreza. Këto janë masat që mund të ndërmarrim ne derisa ti kthehemi normalitetit. Jemi para muajve korrik dhe gusht dhe linjat e transportit publik janë me xhiro më të vogla. Ne jemi para një vështirësie akoma më të madhe dhe shpresa e fillimit të punës është kur ti kthehemi normalitetit, rreth 20 shtatorit”, shtoi Mema.
Kujtim Mema i bëri thirrje qeverisë që të mendojë për shërbimin e transportit publik. I pyetur se kur mendohet të hapet shërbimi, ai sqaroi se janë të fundit që do të hapen, por mendohet të jetë fundi i muajit. Megjithatë vendimi do të merret në bazë të këshillave të ekspertëve. (A.M/Faxweb.al)
Discussion about this post