Rreth 100 mijë euro, mallra kontrabandë dhe 1.2 milionë lekë janë sekuestruar nga Policia Kufitare gjatë kontrolleve në aeroportin e Rinasit.
Policia bën me dije se gjashtë persona do të hetohen në gjendje të lirë për futjen e mallrave kontrabandë në vendin tonë dhe falsifikim të dokumenteve.
Efektivët kanë goditur tre raste të mosdeklarimit të të hollave dhe konkretisht është proceduar penalisht shtetasin ukrainas 43 vjeç, i cili do udhëtonte nga Rinasi për në Dubai.
Gjatë kontrollit atij iu gjetën dhe sekuestruan 76 000 euro të cilat tentoi t’i nxirrte nga Shqipëria pa i deklaruar në kufi.
Gjithashtu u procedua penalisht shtetasi shqiptar 34 vjeç, i cili do udhëtonte drejt Parisit, ku gjatë kontrollit shërbimet e policisë i gjetën dhe sekuestruan 11370 euro të cilat nuk i kishte deklaruar në kufi sipas ligjit.
Me një shumë të mëdha parash u ka kap edhe njw tjetwr shtetas shqiptar I moshes 41 vjeccare , 41 vjeç, i cili do shkonte në Bolonja. Gjatë kontrollit shërbimet e Policisë i gjetën dhe sekuestruan 11900 euro dhe 1.240.000 lekë të rinj, të cilat si kishte deklaruar sipas ligjit në kufi.
Nga shërbimet e Policisë Kufitare dhe ato doganore, u godit një rast i tentativës për futje të mallrave kontrabandë, ku u procedua për veprën penale “Kontrabanda me mallra të tjera”, nje 27 vjeccar, banues në Tiranë, i cili po sillte mallra nga Kina.
Gjatë kontrollit të riut iu gjeten në dy valixhe dhe në një çante sportive, një sasi mallrash të ndryshme, të pa shoqëruara me fature përkatëse, të cilat ai nuk i kishte deklaruar në zyrën doganore Rinas për zhdoganim.
Discussion about this post