Disa ditë më parë u bë e ditur që një nga figurat më të njohura të Top Channel e që i ka munguar ekranit, Monika Stafa është rikthyer. Pasi u shkëput dy vite duke u vendosur në një post publik, Monika u shfaq pardje duke dhënë lajmet e mesditës.
Me ardhjen e Monikës, një tjetër figurë e njohur, prezantuesja Beti Njuma po mendon largimin. Burime kanë thënë për “Prive” se largimi i Betit rikthen në vëmendje raportin jo të mirë mes saj dhe Monikës. Dy prezantueset janë përplasur publikisht në vitin 2012 e që atëherë kanë rivalitet.
Beti deri tani kishte rol kryesor në lajmet e Topit, por “Prive” shkruan se prezantuesja po shqyrton ofertat për të kaluar në një tjetër televizion për shkak se nuk e mendon dot që të jetojë në të njëjtën ‘’çati” mediatike me Monikën.
Në një debat të bërë publik në vitin 2012 Njuma dhe Stafa u përplasën me njëra-tjetrën për nivelin e gazetarisë së kulturës në vendin tonë.
(E.K/FAXWEB.AL)
Discussion about this post