Ndodh rrallë por ndodh ama dhe shembulli konkret është i moshuari nga Orikumui i Vlorës se si zyrat e gjendjes civile të shpallin të vdekur ndërsa qytetari jeton.
Pak kohë më parë emisioni investigative ‘Stop’ ishte në Orikum të Vlorës, nga ku solli rastin e të moshuarit Selim Hodo.
Ky i fundit shkoi në gjendjen civile për të aplikuar për kartën e re të identitetit, por mësoi se zyrtarisht ishte i vdekur.
“Vajta në gjendjen civile të Orikumit për të nxjerrë kartën e identitetit sepse skadonte karta dhe më tha se nuk je i gjallë. Si nuk jam i gjallë? ‘Nuk je i gjallë’. Në vitin 2011-2012 ka qenë vdekja ime. Unë dua kartën, se pa kartë nuk bëj dot asnjë gjë. Qoftë për vizitë, qoftë për diçka. Pa kartë unë s’bëj dot asgjë se quhem i vdekur. Po s’pata këtë unë kot”, tregoi i moshuari.
Por tashmë ai tregon për “Stop” se problem i tij është zgjidhur dhe u pajis me kartë identiteti. Selim Hodo tanimë i gëzohet dokumentit të ri, edhe pse për disa çcaste ‘e humbi’ sërish, duke e ngatërruar nëpër xhepa. “U bë shpejt. Rrofsh, 100 vjeç të shkosh! Ju falenderoj të gjithëve për përkujdesjen’’, u shpreh i moshuari i “ringjallur’’
Discussion about this post