Rinis aksioni për arrestimin e Balilit, kontrolle në banesa dhe biznese

Forcat e Ndërhyrjes së Shpejtë në bashkëpunim me policinë, po vijojnë aksionin për kapjen e Klement Balilit. Në sitën e kontrolleve “kanë rënë” disa biznese dhe banesa, ndër to dhe të të afërmve të Balilit.

Kërkimet për “Escobarin e Ballkanit” mësohet se janë përqendruar në Stjar, ku ai ka banesën dhe në kompleksin turistik “Santa Quaranta”. Deri tani, mësohet se nuk ka asnjë gjurmë të të kërkuarit.

Aksioni i sotëm i FNSH-së dhe policisë, vjen pas atij të pak ditëve më parë, në të cilin u angazhuan forca të shumta policie.

Ndërkohë që aksioni vijon, mësohet se prokurori Gjon Junçaj është duke zhvilluar një takim me kryeprokurorin Adriatik Llalla.