Rinis kalimi i makinave pa pagesë, rradha kilometrike të Rruga e Kombit (VIDEO)

Pas më shumë se tre orësh protestë më në fund qytetarët ja kanë arritur qëllimit të tyre.

Tashëm ka rinisur sërish qarkullimi i automjeteve pa pagesë në Rrugën e Kombit.

Gazetarja e Fax News, Klaudia Karabolli raporton nga Kukësi se tashmë ka një rradhë kilometrikë në Rrugën e Kombit, për shkak të bllokimit të saj prej më shumë se tre orësh.

Që në orët e para të mëngjesit banorët u mblodhën në traun e Rrugës së Kombit për të protestuar ndaj tarifës së vendosur nga qeveria.

“Nuk do lejojmë drejtuesit e mjeteve të kalojnë. Jemi të gatshëm të kemi një marrëveshje për heqjen e tarifës. Nuk e dimë sa do të zgjasë protesta. Duhet të vijë qeveria këtu,”- u shprehën ata për Fax News.

Ata kanë kërkuar që një përfaqësues nga qeveria të shkojë pranë tyre dhe të jepet garancia se tarifa e vendosur nga qeveria për kalimin në këtë rrugë do hiqet.

Nga protesta e dhunshme kanë mbetur 12 efektivë policie të lënduar, njëri prej tyre në gjendje të rëndë.

(F.M/Faxweb)

https://www.youtube.com/watch?v=G8FVmL8mu3c&feature=youtu.be

https://www.youtube.com/watch?v=40Qjj4OXGOc&feature=youtu.be