Rinis me tensione seanca, Basha dhe deputetët e PD-së rrethojnë foltoren, Ruçi nuk ka zgjidhje

Ka rinisur seanca parlamentare e ndërprerë disa herë  ditën e sotme për shkak të përjashtimit të kreut të PD-së nga parlamenti vetëm për sot.

Por deputetët e PD-së vijojnë me qëndrimin e tyre duke rrethuar foltoren. Ata janë mbledhur rreth kreut të PD-së që ndodhet në foltore. Nga ana tjetër deputetët e PS-së po vijojnë me votimin.

Në këto kushte kreu i Kuvendit Gramoz Ruçi është detyrat sërish të ndërpresë seancën.

Sjellim në vëmendje se kreu i PD-së Basha i vendosi kusht Gramoz Ruçit që të mbledh menjëherë Konferencën e Kryetarëve, ndërsa Ruçi i ndërpreu fjalën.

Pas kësaj Basha bllokoi foltoren, ndërsa seanca është ndërprerë për disa minuta. Deputetët e PD-së janë çuar të gjithë në këmbë ndërsa situata duket mjaft e tensionuar. ”Pusho se do flas unë”, u shpreh Ruçi teksa i hoqi mikrofonin kreut të PD-së. 

Reforma zgjedhore ka qenë një nga çështjet që opozita ka këmbngulur fort që duhet të realizohet.

(S.SH/Shuplaka)