Prej shkarkimit të tij nga kreu i Policisë së Shtetit Haki Çako nuk ”ishte bërë i gjallë”.
Ai preferoi që ta kalonte këtë periudhë në heshtje dhe në një mënyrë a një tjetër të pranonte verdiktin e dhënë nga ministri Xhafaj dhe kryeministri Edi Rama.
Pas shkarkimit Çako rrjedhimisht është liruar nga rradhët e Policisë duke e bërë të pamundur rikthimin në funksione të tjera.
Së fundi ai është rishfaqur në disa foto të publikuara nga ‘Panorama’, ku shihet së bashku me një tjetër ish-polic, Erzen Breçanin.
Breçani ka qenë në postet drejtuese të Policisë në kohën e PD-së, i shkarkuar nga detyra sapo në krye të ministrisë së brendshme erdhi Saimir Tahiri, me të cilin ka pasur edhe nje konflikt kur PS-ja ishte në opozitë.
Breçani ka mbajtur më parë postin e Zëvendësdrejtorit të Rendit dhe Sigurisë së Dibrës, por edhe zv/drejtor i Tiranës dhe “punët” në Policinë e Shtetit besohet se ka qenë një nga temat që Çako e Breçani kanë biseduar dje në një nga lokalet e Tiranës.
(E.K/FAXWEB)
