Kryetari i Këshilltarëve Bashkiakë të PD në Bashkinë e Tiranës, Ilir Alimehmeti i ftuar në studion e FaxNews ka folur në lidhje me arrestimin e kryebashkiakut Erion Veliaj.
Alimehmeti është shprehur se tashmë kryeministri Rama po vepron me dy standarte, po bën drejtuesin në të gjithë pushtetet edhe pse janë të pavarur.
“Duhet të shikojmë sjelljet ndaj drejtësisë që kaq shumë e lavdëronte tashmë nuk e ka më nën kontroll dhe nuk i pëlqen. Duhet të ketë kryeministri drejtësinë, e di që është e pavarur, duhet të ketë pushtetin vendor nën pushtetin e tij jo, pasi janë të pavarura. Kjo është në ligj pasi nëse do të ishin nën një person janë të ndara që një person mos marrë për keq. Kujtoj që pushteti vendor i takon atyre që i takon dhe që zgjidhen nga qytetarët dhe jo kryeministrit që të bëjë emërimin e dikujt në bashki, por i takon këshillit bashkiak. Këshilli Bashkiak është organi drejtues, dhe deri më tani nuk ka pasur një mbledhje të tillë, pasi kryeministri nuk na la kohë. Të hënën u arrestuar kryebashkiaku ai të martën erdhi dhe përçaktoi të deleguarin”, ka thënë Alimehmeti.
Ndër të tjera ai ka thënë se Rama ka bërë një shkelje të madhe sa i përket Erion Veliaj po vendos ndryshe nga ç’ka bërë më parë me kryebashkikët që janë akuzuar për vepra të ndryshme penale.
“Ai ka bërë shkelje të rëndë pasi ka pushtetin ekzekutiv dhe jo atë ekzekutiv vendor pasi në këtë rast do të zgjidhnim kryeministrin dhe ishte e zgjedhshme. nuk është ai që duhet të përcaktojë kryebashkiakun”, ka thënë ai.
Discussion about this post