Luan Pashaj, roje në burgun e Bënçës në Tepelenë, ka rrrëfyer momente nga nata e hapjes së burgjeve, kohë kur ish-kryeministri Fatos Nano, vuante dënimin.
Ai ka rrëfyer për herë të parë në emisionin “Oktapod” se burgu e ndryshoi përgjithmonë Fatos Nanon, duke i dhënë dimensionin e Berluskonit. Pashaj tregon se ish-kryeministri komunikonte me të gjithë, edhe me të fortët, me ata të botës së krimit (një pjesë e të cilëve janë vrarë), lexonte.
“Komunikonte me të fortët, edhe me ne policët komunikonte, rrinte edhe me të burgosur të botës së krimit. Lexonte, kishte një kasetofon edhe në kohën e ajrimit e mbante në vesh dhe nuk e hiqte. Ajrimin e bënte vetëm.”, ka rrëfyer roja i burgut të Bënçës.
Duke iu kthyer kujtimeve të asaj nate në 1997, kur u hapën burgjet, ai ka rrëfyer se ish-kryeministri ishte i pari që larguan:
“Pak a shumë morëm vesh se ça ishte, se edhe në Vlorë kishte 10-12 ditë që ishin ngritur njerëzit dhe në Bënçë e hoqën Fatos Nanon të parin. Në orën 12 të natës e morën. Edhe nja 15 vetë që ishin djem vlonjatë, i morën me helikopter. Nga 40 të dënuarit e përjetshëm që ishin, ngelën 29.”
Discussion about this post