Ardit Toska 46-vjeç banues në qytetin e Fierit është rrahur dje keq në Marinzë. Dhuna mbi të sipas denoncimit të të bijës është ushtruar nga rojet e një kompanie private të naftës.
E gjithë ngjarja është zhvilluar gjatë mbrëmjes së djeshme ndërsa i dëmtuari ka përfunduar në repartin e kirurgjisë në spitalin rajonal Fier dhe momentalisht është në gjendje të rëndë.
Sipas denoncimit të vajzës për median lokale “Alb365” prej më shumë se 5 vitesh ata janë në proces gjyqësor me kompaninë për shkak të ndotjes që ajo shkakton në zonë.
Vajza vijon më tej duke thënë se edhe pse ka telefonuar Policinë e Roskovecit ajo nuk ka shkuar në vendngjarje. Po ashtu vajza thotë që ndaj tyre është ushtruar presion psikologjik për të mos folur.
” Pershendetje. Dje ne oren 21:00 ne fshatin Marinez ,Bashkia Roskovec ,Fier, rojet e kompanis Bankers petrolium ltd ushtruan dhune kunder babit tim pa asnje arsye . Babi im ndodhej ne rruge duke ikur per tek toka kur ata e kan goditur. Une kur i pash, vajta te ndihmoja babin dhe rojet u larguan. Kur vajta afer babit pash qe babi im ishte gjakosur nga fytyra . Ne me kompanin Bankers po bejm me shum se 5 vjet qe jemi ne proces gjyqesor per shkak te ndotjes qe ndodhet ne kete zone .
Per keto procese gjyqesore qe kemi hapur me kompanin Bankers ata e nxorren dhe nga puna pa asnje shkak . Dje sa kam vajtur tek vendi i ngjarjes kam lajmeruar policin e cila erdhi ne oren 23:45 Pas shum telefonatash nga ana ime kur pash qe policia e Roskovecit nuk po vinte mora policin e Fierit qe te merrte policin e Roskovecit e cila kjo e fundit me tha ne telefon ose te vij babi jot ketu ose lere te vdesi aty. Ne ate moment une mora policin e Fierit, kur i thash kete ata nuk e besuan me pas e moren ata policine e Roskovecit dhe me tha do vij .
Kur erdhi policia e Roskovecit ne vend qe te na mbronte ata ushtruan dhune psikologjike ndaj nesh ku me tha dhe mua e babit qe do ju vem prangat. Cdo gje eshte e regjistruar me ze . Ata nuk moren as ambulanc asgje thoshin nuk kemi ne te drejt te marrim ambulancen.
As foto vendit nuk i ben ku ndodhej kapelja e syzet e njerit prej tyre aq shum rojeve qe ishin atje duke e rrahur babin. Ndoshta kjo ka qene urdher nga kompania Bankers per te heshtur babi im te terhiqet nga gjyqet nga e drejta e tij . Ne kete moment babi ndodhet ne pavionin e kirurgjise ne spitalin e Fierit. Nuk mjafton ajo qe rojet e kompanis Bankers ushtruan dhune psikologjike dhe fizike ndaj babit tim tani marrin ne polici duke ushtruar dhune psikologjike dhe familjen e tij duke e kercenuar per tu terhequr nga gjyqet”, thuhet në dëshminë e vajzës.
“alb365”ka kontaktuar me Policinë e cila ka pohuar se ngjarja ka ndodhur, punonjësit që kanë ushtruar dhunë mbi banorin po u bëhet kallzim penal për ushtrim dhune e plagosje ndërkohë dhe kallzim po bëhet mbi vajzën dhe bashkëshorten e të plagosurit për kundeërshtim teë policisë dhe zjarrëënie të qëllimshme. (E.K/SHUPLAKA)
Discussion about this post