Roland Lami, politolog dhe njëherësh pedagog në universitet ka qenë i ftuar sot në ‘’Fax News” për të folur në lidhje me protestën e opozitës po edhe çështjet e aktualitetit politik.
Duke iu referuar protestës në datën 27 Janar, Lami u shpreh se kauza me të cilën del opozita pavarësisht se mund të jetë e drejtë është mjaft teknike, zgjedhja e kryeprokurores.
Po ashtu ai u shpreh se brenda partive të vogla të së djathtës mund të ketë qejfmbetje për shkak të pozicionimit që ka marrë LSI-ja.
“Nëse do të shohim sesi rreshtohen brenda kampit opozitar, sigurisht është momenti për të parë ndryshimin që do të ketë raporti mes PD-së dhe LSI-së.Pesha e LSI-së bën minimalist rolin e partive të vogla brenda së djathtës.
LSI-ja nën drejtimin e zotit Meta është përcaktuar si një parti konstruktive, që mban qeveri. Për të mirën e vendit të bëjë consensus. Kjo ka nisur të zhbëhet që në zgjedhjet e fundit, për të luajtur në lidhje me agresivitetin.
Nuk kemi ndërtuar akoma lidership që kërkon të ndikojë te kategoria e njerëzve të moderuar”, u shpreh pedagogu.
Sa i përket qeverisjes nga Edi Rama në këtë mandat të dytë politologu u shpreh se qeveria është futur në ankthin se kujt do ti dalë emri dhe kujt jo në lidhje me afera të ndryshme korruptive.
“Për të siguruar mandatin e parë zoti Rama bëri aleancë me çdokënd, pavarësisht se u përpoq të bënte disa punë, kostoja e menaxhimit të atij pushteti ndihet edhe sot.
Qeveria është e përfshirë në hije skandali, që nga rasti i ish-ministrit të Brendshëm, qoftë te përgjimet ku flitet se paratë e drogës kanë blerë zgjedhjet. Është futur në ankthin e pasigurisë, a do më dalë apo jo emri mua. Siguria e fituar nga 74 mandatet është një flluskë”, u shpreh mes të tjerave Lami.
(E.K/FAXWEB)
Discussion about this post