Ndeshja mes Romës dhe Juventusit ka përfunduar me rezultatin 3-1 në favor të Romës. Përballja mes këtyre dy ekipeve ishte mjaft e luftuar, pavarësisht se Juventusi luajti i kursyer duke mos aktivizur të gjithë formacionin bazë.
Roma e nisi me ritëm të lartë por ai që kaloi në avantazh ishte Juventus, në minutën e 21 me anë të Mario Lemina. Roma nuk u tërhoq aspak dhe vetëm pas 4 mintash lojë arriti të barazojë rezultatin me anë të Daniele Derosit, duke i çuar të dy skuadrat në dhomat e zhveshjes në barazim.
Në pjesën e dytë, Roma ishte përsëri më kërkuese dhe në minutën e 56 kalon në avantazh me anë të sulmuesit të saj Stephan El Shaarawy, ndërkohë që goli i tretë për Romën do të vinte në minutën e 65 nga Radja Nainggolan, duke vendosur rezultatin përfundimtar të takimit. Me këtë rezultat Juventus nuk arrin të sigurojë matematikisht titullin kampion. Skuadra e Alegrit ka ngelur në kuotën e 85 pikëve, 4 më shumë se Kryeqytetasit e Romës. (B.H/Shuplaka)
Discussion about this post