Romela Begaj, e cila u shpall sot kampione bote në shkëputje, duke na bërë shumë herë krenarë dhe ka ngritur flamurin kuqezi në podium midis vendeve të para, ka marrë sot urime dhe nga liderët më të lartë të politikës në vend.
Presidenti i vendit Meta, kryeministri Rama dhe kreu i Parstisë Demokratike Basha, shprehën konsideratat më të larta për pëshëngritësen.
Kryeministri Edi Rama, me anë të një statusi në Facebook e ka cilësuar fitoren e saj, si një lajm i bukur frymëzues në këtë situatë të vështirë.
Postimi i Edi Ramës
Një lajm i bukur frymëzues në këtë situatë të vështirë:
ROMELA BEGAJ KAMPIONE E BOTËS
Në botërorin e peshëngritjes që po zhvillohet ne USA, Romela fitoi medaljen e artë, duke u shpallur kampione në stilin me shkëputje dhe po ashtu u shpall nënkampione e botës në dygarësh, rezultati më i mirë i saj në një botëror dhe historik për peshëngritjen shqiptare
Gjithashtu kreu i Partisë Demokratike Lulzim Basha, vlerësoi peshëngritësen duke u shprehur se mbajti lart zemrën e shpirtin e çdo shqiptari, duke na dhuruar një emocion qe na kishte munguar.
Postimi i Lulzim Bashës
Teksa ngriti shtangën e rëndë, Romela Begaj mbajti lart dhe zemrën e shpirtin e çdo shqiptari, duke na dhuruar një emocion qe na kishte munguar. Krenari e mirënjohje për medalisten e artë, kampionen e botës, Romela Begaj!
Ndërkohë Presidenti Meta gjithashtu uroj me një foto të kampiones Romela Begaj
Postimi i Ilir Metës
Të dashur miq, dua t’ju uroj një ditë të mbarë me këtë foto të Romela Begaj, e cila fitoi medaljen e artë për Shqipërinë në Kampionatin Botëror të Peshëngritjes.(M.Q/Faxweb)
