Cristiano Ronaldo duket të jetë lodhur mjaft pas akuzave që i janë bërë në Spanjë se është përfshirë në çështjet e evazionit fiskal.
Duke marrë shembull kohën kur ishte në Angli, ai thotë se taksat i ka paguar dhe atje dhe asnjëherë nuk është përfolur.
Ylli portugez vijon më tej duke thënë se ai është një libër i hapur dhe se nuk ka asgjë që fsheh në pasurinë e tij.
“Gjithmonë i kam paguar taksat, si në Angli, ashtu edhe në Spanjë. Do të ishte qesharake po të bëja një gjë të tillë. Unë jam një libër i hapur. Mjafton që ju të hyni në ‘Google’ dhe të kërkoni emrin tim, aty do t’i gjeni të gjitha.
Ju mund të shikoni edhe në magazinën ‘Forbes’, që i publikon të gjitha të ardhurat e mija, nuk ka pasur asnjëherë nevojë që t’i fsheh të ardhurat e mija nga askush. Në Angli asnjëherë nuk kam pasur problem me taksa, për këtë dua të kthehem atje”, ka thënë Ronaldo para gjykatës spanjolle.
(E.K/SHUPLAKA)
