Kristiano Ronaldo arriti që t’u përgjigjet kritikave të marra së fundi për mungesën e shënimit të golit. Mbrëmë ai realizoi dy gola kundër Borusia Dortmund duke bërë të mundur që Reali të fitonte për herë të parë në histori në transfertë ndaj Borusias.
Në lidhje me kritikat Ronaldo është shprehur se është i habitur nga opinion i njerëzve pasi duhet që në çdo ndeshje t’u tregojë se kush është.
“Duket sikur duhet të tregoj në çdo ndeshje se kush jam, më habit opinioni i publikut në lidhje me mua. Edhe njëherë tjetër numrat flasin vetë. Jam shumë i lumtur për ndeshjen time të 400-të dhe nuk e di se sa gola, ata që flasin për mua e dinë më mirë. Çdo gjë është normale, kur jam mirë dhe më jepet mundësia, shënoj. Ndonjëherë portieri më ndalon, por ky është futbolli”, tha portugezi pas ndeshjes.
Ronaldo foli edhe për zërat që e shihnin atë larg Realit këtë sezon. Ai tha se kjo ka ndoshur sepse “kur je i madh, njerëzit flasin për ty”.
Ai shtoi: “Ju nuk e keni dëgjuar atë nga goja ime. Njerëzit flasin për Cristianon çdo ditë, në të gjithë botën.
“Nëse unë kam për t’iu përgjigjur të gjithëve, unë do të jetoj vetëm për mediat, por unë jetoj për futboll, gjithçka me emrin e Cristiano-s në të është lajmi i botës.” Kur jeni të shkëlqyeshëm, njerëzit flasin për ty. (B.H/Shuplaka)
