Ronaldo i gatshëm të paguajë dëmin për t’i shpëtuar burgut

Cristiano Ronaldo trtegohet i gatshëm për të paguar dëmin prej 14.7 milionë eurosh që i ka shkaktuar shtetit spanjoll për t’i shpëtuar burgut.

Sipas  “Radio Cope” në rast se gjykata do ta cilësojë evazionin e Ronaldos si krim, e nëse ai do të refuzojë paktin, atëherë rreziku që ai të shkonte në burg do të ishte i madh.

Ronaldo do të shfaqet në Gjykatën e Shkallës së Parë më 31 korrik, për t’iu përgjigjur akuzave për evazion, e pas kësaj futbollisti ka 60 ditë kohë për të paguar këtë shifër.

Nëse kjo gjykatë do të vendosë që Ronaldo ka kryer një krim dhe do të kalojë çështjen në Gjykatën e Apelit të Madridit, atëherë gjithçka do të varet nga deklarata e Ronaldos dhe strategjia e avokatëve të tij.

Ronaldo akuzohet për evasion fiscal, sipas prokurorisë spanjolle ai ka shmangur 14.7 milionë euro duke shmangur taksat nga të ardhurat që i vinin nga imazhi. (B.H/Shuplaka)