Cristiano Ronaldo është shndërruar në Mbretin e Instagramit këtë të hënë, pasi ka zbritur nga froni këngëtaren amerikane Selena Gomez. Superylli portugez i Juventusit numëron 144 309 204 ndjekës në llogarinë e tij në rrjetin social, ndërsa Gomez qëndron ka 144 308 767.
Ronaldo publikon rregullisht në profilin e tij, deri tani ka realizuar 2380 postime. Ndërsa Gomez është më pak aktive, me vetëm 1468 postime, më i fundit një muaj më parë.
Kujtojmë se këngëtarja ka deklaruar se do të marrë “pushimet” për pak kohë nga rrjetet sociale dhe ndoshta kjo ka bërë që portugezi të dalë në vend të parë. Por edhe transferimi te Juventus ka ndikuar, pasi qindra mijëra ndjekës të skuadrës italiane në të gjithë botën kanë nisur të ndjekin edhe Ronaldon.
Selene Gomez e mbante vendin e parë që prej vitit 2016 kur kaloi në renditje këngëtaren tjetër Ariana Grande. Kjo e fundit renditet e treta tashmë, me mbi 132 milionë ndjekës, ndërsa në vend të katërt është Kim Kardashian me mbi 119 milionë ndjekës.
Discussion about this post