Sulmuesi Cristiano Ronaldo pas transferimit te Juventus, ka tërhequr sërish vëmendjen e mediave me gjestin e tij të fundit. Këtë herë ai ka lënë pa fjalë stafin e hotelit ku kaloi pushimet në Greqi, duke i dhënë plot 20 mijë euro bakshish.
Pas një Kupe Bote jo tepër të suksesshme, Ronaldo ka vendosur të qetësohet në resortin luksoz Costa Navarino në Peloponez, për t’u zhvendosur më pas drejt Italisë, ku u prezantua te ekipi i Juventus.
CR7 ka lënë bakshish një shumë prej 20 mijë eurosh për punonjësit e hotelit dhe i ka kërkuar stafit drejtues të resortit që kjo shifër t’i shpërndahej në mënyrë të barabartë të gjithë punonjësve, në shenjë falënderimi për përkujdesjen ndaj tij.
