Luka Modric u shpall “Lojtari i vitit” dhe kaq mjaftoi që të fillonin polemikat e Cristiano Ronaldo (edhe pse jo zyrtare nga ai), i cili nuk u paraqitet në ceremoninë e hedhjes së shortit të Champions League dhe në marrjen e çmimeve.
Menjëherë pasi Modric mori çmimin ishte agjenti i portugezit, Jorge Mendes, që hodhi akuza ndaj UEFA, po ashtu edhe motra e CR7 reagoi në të njëjtën mënyrë.
Por, në mbrojtje të Modric, ka dalë trajneri i tij te Kroacisë, Zlatko Dalic, i cili deklaroi për median kroate “Sportske Novosti” se mospjesëmarrja e Ronaldos në ceremoninë e çmimeve tregoi se ai është një egoist.
Man of the moment, Luka Modrić!
? Champions League
? Midfielder of the Season
? Player of the Year #UCLdraw pic.twitter.com/rLt9AoR37r— UEFA Champions League (@ChampionsLeague) August 30, 2018
“Ronaldo që nuk merr pjesë në ceremoninë e UEFA-s dhe komentet që pasuan… nuk ia vlen të komentoj Thjesht vërteton atë që unë e them shpesh: Ronaldo është egoist dhe nuk do e doja kurrë në ekipin tim. Ai është nga ata lojtarë që mendon vetëm ‘Nuk më intereson nëse humbasim, rëndësi ka që të shënoj unë”, ishin fjalët e trajnerit kroat, shkruan Sportplus.
Në ndeshjet e shtatorit të Kombëtareve Kroacia do të luajë kundër Portugalisë, por Dalic theksoi se kjo deklaratë nuk ka të bëjë me tensionimin e kësaj sfide.
“Synimi ynë është Euro 2020, ndaj Portugalia dhe UEFA Nation’s League nuk janë shumë të rëndësishme dhe nuk është problem nëse humbasim ndaj Portugalisë e Spanjës. Nuk po them që nuk do të luajmë për fitore, por nuk dua të ushtroj shumë presion mbi skuadrën, sepse është e lodhur fizikisht dhe mendërisht”, përfundoi Daliç. (B.H/Faxweb)
