Pak kohë më parë këngëtarja Ronela Hajati publikoi këngën e saj më të re, një këngë për vajzat. Po pas kësaj duket se për këngëtaren djemtë nuk meritojnë që ajo t’i kushtojë një të tillë.
E ftuar në studion e “Top Show Mag”, Ronela ka dhënë një mesazh për të gjithë meshkujt, sipas së cilët duhen të jenë më kavalier. Ajo u shpreh se gjëja që e bezdis më shumë tek djemtë, është injoranca.
“Kanë humbur për të qenë pak kavalier, injorant, dhe thonë pastaj pse nuk gjen burrë, ulesh në tavolinë, flet për një libër, për një poezi, dhe përgjigjen “ku di unë nga këto”, u shpreh Ronela.
Gjithashtu këngëtarja ka folur edhe për projektet e saj. Ronela shprehet se shumë shpejt do të sjellë për publikun një këngë në bashkëpunim me këngëtarin Adrian Gaxha, e ndërsa xhirimet për klipin po bëhen në Bullgari.
(E.K/SHUPLAKA)
Discussion about this post