Komisioni Qendror i Zgjedhjeve do të shqyrtojë sot mandatet e kryebashkiakut dhe dy deputetëve të hetuar nga Prokuroria, të cilët preken nga dekriminalizimi.
Në këtë mledhje do të shqyrtohet hetimi i Prokurorisë së Përgjithshme për kryebashkiakun e Kavajës, Elvis Roshin dhe dy deputetët Dashamir Tahiri dhe Shkëlqim Selami.
Njoftimi i KQZ-së një ditë më parë
Komisioni Qendror i Zgjedhjeve, ditën e martë, më datë 27.12.2016, ora 11:00, zhvillon mbledhjen me këtë rend dite:
Projekt-vendim: “Për shqyrtimin e rezultatit të verifikimit të Prokurorisë së Përgjithshme, për funksionarin publik Z.Elvis Roshi, kryetar i Bashkisë Kavajë, në zbatim të ligjit nr. 138/2015 “Për garantimin e integritetit të personave që zgjidhen, emërohen ose ushtrojnë funksione publike”.
Projekt-vendim: “Për shqyrtimin e rezultatit të verifikimit të Prokurorisë së Përgjithshme, për funksionarin publik Z.Shkëlqim Selami, Deputet i Kuvendit të Shqipërisë në zbatim të ligjit nr. 138/2015 “Për garantimin e integritetit të personave që zgjidhen, emërohen ose ushtrojnë funksione publike”.
Projekt-vendim: “Për shqyrtimin e rezultatit të verifikimit të Prokurorisë së Përgjithshme, për funksionarin publik Z.Dashamir Tahiri, Deputet i Kuvendit të Shqipërisë në zbatim të ligjit nr. 138/2015 “Për garantimin e integritetit të personave që zgjidhen, emërohen ose ushtrojnë funksione publike”.
(XH.A/SHUPLAKA)
Discussion about this post