Roussel u nxor nga rrënojat gjysmë orë pas aksidentit, dhe është transportuar në spitalin më të afërt, duke iu bashkangjitur të mbijetuarve tjerë.
Alan Roussel është ndër të paktët lojtarë të skuadrës braziliane Çapakoense që i mbijetoi aksidentit ajror në Kolumbi.
Futbollisti po merr kurën e nevoshjme në spital për tu shëruar plotësisht. Mirëpo, ashtu siç raportojnë mediat e huaja, familjarët e tij kanë bërë të ditur që ai nuk kujton asgjë nga aksidenti i ndodhur.
“Jam tepër i lumtur që djali im po shërohet. Ai u zgjua dhe dëshironte të shkonte në shtëpi. Më pyeti se çfarë kishte ndodhur pasi nuk i kujtohej asgjë, pavarësisht se ai e dinte që do të shkonte për të luajtur në Kolumbi. Më duhej ti tregoja se kishin pësuar një aksident dhe se tani po merr mjekimin në spital. Nuk është i gatshëm për ti thënë të vërtetën. Jam i lumtur që ai shpëtoi, faleminderit Zotit që e shpëtoi atë”- ka thënë babai i Roussel.
