Humbja e parakohshme e themeluesit dhe Presidentit të Fax News, Kasem Hysenbelli është përcjellë nga dhimbje dhe mesazhe ngushëllimi nga emra të njohur apo bashkëpunëtorë të thjeshtë që ka pasur ndër vite.
Një prej tyre është këngëtarja Rovena Dilo, e cila rrëfeu momentin kur do të kishte një betejë me ligjin dhe Kasem Hysenbelliun e cilëson si njeriun e vetëm që e mbështeti dhe i tha “Kamera ime do të jetë aty për ty”.
Ndërsa takimi i tyre i fundit ishte pikërisht në këtë periudhë pandemie kur Rovena po i fliste për një projekt dhe nuk mungoi për asnjë moment mbështetja e Kasem Hysenbelliut.
“I vetmi njeri në Shqipëri që më ka thënë: “Do të jem aty ku ti do të flasësh”. Përmasat e tij janë madhështore në median shqiptare sepse kishte median që të mundëson të jesh edhe majtas, edhe djathtas, edhe në qendër. Pra ai shikonte dhe lexonte shpirtin tënd dhe dëshirën për të thënë të vërtetën.
Nuk shikonte se në cilin kah ti ishte. Të mirëkuptonte, të jepte të drejtë, ishte modern, klasik, ishte dhe i thellë. Takimi i fundit ishte kështu, ishte me maskë dhe po flisnim për një dëshirë dhe më thoshte: “Do ta bësh, do ta bësh”. Kasem Hysenbelliun për fat të keq nuk e kemi më.
Një muaj që kisha humbjen e motrës time, Kasemi më ka ndejtur më afër se të gjithë njerëzit e mi të afërt”, tha Rovena Dilo.
(A.M/Faxweb.al)
Discussion about this post