Moderatorja Roza Lati ka spikatur gjithmonë për karakterine saj të lirshëm dhe për marrëdhënien perfekte që ruan me mamin e saj, Ritën.
Kur vjen puna te i ati, Roza është treguar gjithmonë e rezervuar, dhe ka folur shumë pak për të.
Vetëm dy vitë më parë moderatorja na njohu me vëllain e saj nga babi, Erin.
Mirëpo teksa po shikonte disa video, Roza është emocionuar dhe i është kujtuar pikërisht babai i saj.
Në video shfaqeshin baballarë që shoqëronin të bijat e tyre në altar, dhe këtë moment moderatorja e ka ndarë më të gjithë ndjekësit e saj në rrjetet sociale.
“Shumë emocionuese…E ka fajin hëna,”- shkruan Roza.
Mirëpo menjëherë ka ardhur reagimi I vëllait të saj që nuk e lë asnjëherë vetëm dhe e përkrah në çdo gjë.
“Shpirti i vëllait, mos u mërzit. Pavarësisht nga e kaluara, dije se kur të hapet dera mbase nuk do jetë babi, por do jem unë. Unë do të të përcjell tek ai që do të zgjedhësh. Nuk je vetëm; nuk ke qenë dhe nuk do të jesh kurrë,”- shkruan Eri.
Kjo do të thotë shumë për Rozën edhe pse ajo ka premtuar se nuk do të bëjë dasmë.
(F.M/Faxweb)
