Mund ta themi që Rozana Radi është një artiste e kompletuar. Ajo është një këngëtare, aktore, moderatore mjaft e preferuar nga publiku.
Ajo i ka dhuruar shumë emocione publikut me këngët e interpretimet e saj, mirëpo jeta e saj nuk ka qenë e lehtë pasi që në moshë të re është përballur me një humbje të madhe, atë të prindërve të saj.
Rozana ka postuar sot në Instastory një foto të prindërve dhe u ka kushtuar një dedikim shumë prekës, dhe krahas fotos shkruan:
“Më zhveshën emocionet pa ju. Gëzimi e uli përqindjen e tij. Lumturia nuk ngjitet në qiellin e 7-të. Mëngjesi është memec pa zhurmën e hapave tuaj. Pjata ime është bosh sepse unë jam ngopur me vetminë time. Gëzojeni njëri-tjetrin atje lart. Më mungoni”, shkruan këngëtarja.
(M.Q/Faxweb)
