Është fundjave dhe sigurisht që të gjithë bëjnë plane për plazh. Mirëpo shqetësuese duket situate sot në autostradën Tiranë-Durrës. Rradha e gjatë e makinave fillon që nga “Casa Italia” dhe nuk dihet se ku përfundon.
Ndërkohë që deri më tani dy aksidente janë raportuar të kenë ndodhur si pasojë e trafikut të rënduar.
Ato ndodhën në orët e para të mëngjesit, në dalje të Tiranës. Dy automjete u përpasën në afërsi të një qendre tregtare në autostradën Tiranë – Durrës, ndërsa dy të tjera u përfshinë në një tjetër aksident, sapo e kalon këtë qendër. Fatmirësisht përveç dëmeve materiale nuk ka pasur pasoja të tjera për njerëzit.
Ky është një problem pothuajse i përjavshëm që shfaqet, pasi nevoja për pak pushim që ndiejnë kryeqytetasit në këto ditë të nxehta vere me temperatua rekord është vërtet e lartë.
E njëjta problematikë shfaqet edhe gjatë orëve të pasdites kur pushuesit ditorë iu duhet të kthehen në Tiranë. (E.K/SHUPLAKA)
