Për rrahjen e deputetit Zijadin Sela në parlamentin e Maqedonisë ditën e djeshme janë arrestuar dy persona baba e bir.
Të dy të arrestuarit Kire dhe Cane Gjorgjievski akuzohen për tentativë për vrasje të Selës, akuza e parë dhe më e rëndë në lidhje me veprimet e dhunshme në parlamentin maqedonas.
Policia ka arritur t’i arrestojë dy sulmuesit pasi ata janë filmuar nga kamerat e sigurisë së parlamentit dhe nga kamera televizive duke e goditur në fytyrë ligjvënësin shqiptar dhe duke e tërhequr atë zvarrë.
Sipas Zërit të Amerikës të dyshuarve u është caktuar masa 30 ditë paraburgim dhe të ejten ata u dërguan në burgun e Shutkës në Shkup.
Po kështu Lidhja Social Demokrate ka reaguar ndaj veprimeve të ngadalshme të prokurorisë publike mbi hetimin e dhunës në parlament dhe kapjen e anëtarëve të bandave të përfshirë në aktet e dhunshme. LSDM këmbëngulë se sulmuesit kishin për qëllim likuidimin fizik të një pjese të ligjvënësve, përfshirë kryetarin e partisë, Zoran Zaev dhe se ata duhet të akuzohen për ‘tentativë për vrasje’.
Por nga e prokurorisë për të akuzuarit janë gritur akuza për veprën “pjesëmarrje në turmë për të penguar personat zyrtarë në kryerjen e detyrës”, për të cilat ligji parashikon dënime deri në tre vjet burg. (J.V/Shuplaka)
