Rrahën për vdekje 56-vjeçarin në Vlorë, arrestohen tre persona. Kthesa e papritur në hetime (Emrat)

Policia e Vlorës ka arrestuar tre persona për vrasjen e Stavri Minos pasditen e djeshme në qytetin e lagjen 1 Maji të qytetit.

Nëse fillimisht ngjarja u trajtua si rast aksidental, në njoftimin e sotëm të policisë tre personat e arrestuar Astrit Hameti 48 vjeç, Nusret Hoda 57 vjeç dhe Agron Hameti 56 vjeç akuzohen për vrasje me dashje në bashkëpunim.

Mësohet se shkak i sherrit mes katër personave është bërë një çështje e vjetër pronësie.

Njoftimi i policisë:

Policia ka arrestuar në flagrancë për veprën penale “Vrasje me dashje” kryer në bashkëpunim të shtetasve: A.H., 48 vjeç, banues në Vlorë,  N.H., 57 vjeç, banues në Vlorë, A.H., 56 vjeç, banues në Vlorë.

Këta shtetas në bashkëpunim me njëri-tjetrin në lagjen “1 Maji”, gjatë një konflikti  për motive të dobëta kanë goditur fizikisht shtetasin S.M., 56 vjeç, për pasojë ka gjetur vdekjen.

Materialet iu referuan Prokurorisë në ngarkim të tyre për veprime të mëtejshme.

(E.K/Faxweb.al)