Mesnatën e sotme rreth 01:00, anëtarja më e re e Partisë Demokratike të Kosovës dhe njëkohësht gazetarja Arbana Xharra është sulmuar nga persona ende të paidentifikuar.
Pas rrahjes Xharra u dërgua në spital për të marrë mjekim dhe sipas mediave kosovare ishte e mbuluar në gjak. Duhet të sjellim në vëmendje që pas futjes në PDK, Xharra ka qenë vazhdimisht kundërshtare e militantëve të partisë “Vetëvendosje” të cilët herë pas here nuk kanë kursyer edhe fyerjet verbale ndaj saj. Kjo mund të jetë një pistë që policia të hetojë.
Po kështu ish kryeredaktorja e gazetës “Zëri” edhe më parë ka qenë e kërcënuar, sidomos prej elementëve të islamit radikal. Kjo mund të jetë një pistë tjetër e policisë.
Megjithatë, motivet për këtë sulm ndaj Xharrës ende mbeten të paqarta derisa policia e Kosovës të dal me ndonjë deklaratë zyrtare për incidentin që ndodhi sot.
Tashmë ajo ndodhet në shtëpi dhe gjendje e saj shëndetësore për momentin është stabilizuar. (J.V/Shuplaka)
Discussion about this post