Mesnatën e sotme rreth 01:00, anëtarja më e re e Partisë Demokratike të Kosovës dhe njëkohësht gazetarja Arbana Xharra është sulmuar nga persona ende të paidentifikuar.
Gazetarja është sulmuar në në një parking në Prishtinë, majde është rrahur dhe goditur pasi ishte kthyer nga Tirana pasi ishte ftuar në emisionin “Oktapod” të Turjan Hyskajt që transmetohet në Vizion Plus.
Pas rrahje Xharra u dërgua në spital për të marrë mjekin dhe sipas mediave kosovare ishte e mbuluar në gjak.
Për këtë dhunë ka reaguar edhe Unioni i Gazetarëve ku shprehen se dhuna mbi gazetaren Arbana Xharra, është një krim mbi lirinë në Kosovë.
“Unioni i Gazetareve Shqiptare shpreh indinjaten e thelle ndaj aktit kriminal te dhunes se ushtruar nga forca okulte qe kane depertuar ne shoqerine e sotme ne Kosove, te cilat perfaqesojne hije te zeza kercenuese ndaj lirise se fjales, lirise se mendimit dhe lirive te tjera themelore te njeriut ne kete pjese te hapesires shqiptare.
UGSH denoncon kete akt, proteston ndaj krimineleve hije dhe qellimeve te zymta te tyre dhe kerkon nga autoritetet e Republikes se Kosoves qe ne emer te ligjit dhe te lirise themelore, te reagojne fuqishem per zbulimin dhe kapjen e autoreve te ketij krimi. Hijet e zeza dhe ata qe i perfaqesojne ata jane armiqte e rrezikshem te Kosoves dhe shqiptarise, ata jane kercenim i madh per gjithe qytetaret e Kosoves. UGSH shpreh solidaritetin e thelle me kolegen kurajoze dhe i uron asaj sherim te shpejte e kurajo te metejshme per misionin si qytetare kurajoze dhe europianiste ne Kosoven e sotme.”, shprehet Unioni i Gazetarëve. (J.V/Shuplaka)
