Në lidhje me dhunimin e gazetarit Ismet Drishtit, ka reaguar dhe Agim Xhafka. Në një letër drejtuar kolegut të tij Xhafka thotë se shyqyr që ka përfunduar me rrahje pasi socialistët edhe të vrasin.
Xhafka ironizon dhe me Policinë, duke i akuzuar ata për mosndërhyrjen në këtë rast. Ai thotë se Drishtin e ka shpëtuar zoti.
LETËR ISMET DRISHTIT.
I dashur koleg,
Shyqyr me rrahje se këta socialistët edhe të vrasin. Boll të kujtosh atentatin që i benë Azemit brenda në parlament dhe beson se ende ka atentatorë mes tyre. Ashtu thirreshin atëhere se tani quhen terroristë. E nga vidio që pashë të ka shpëtuar zoti.
Mësova se policia as ka erdhur në kohë,as ka hapur ndonjë hetim. Normale quhet. Ndaj ti duhej të veproje ndryshe. Të vije dikë nga televizioni që të merrte policinë e t’i thosh:
-Alo,policia! Ismet Drishti,ai gazetari zjarrvënës po sulmon me leva disa makina dhe po thyen xhamat e ndriçuesit e tyre. I ka hipur një terbim i madh dhe po bën copa nja shtatë çuna që janë në mbrojtje të veturave e dyqaneve. Ejani sa më parë,ndërkohë kam filmuar gjithçka e po e ruaj për ju. Nxitoni!
Kaq të kishe bërë dhe policia do vinte per dy sekonda. U jepje pamjet e filmuara dhe ja,u kry.
Gjithsesi të uroj shërim të shpejtë dhe në se të arrestojnë me akuzën që ke rrahur veten ,më njofto të të sjell ndonjë molto a dy cigare të hapura.
Plot respekte!
Agim Zjarri.
Discussion about this post