Rrahu bashkëshorten dhe thikë xhaxhait që ndërhyri, arrestohet 49-vjeçari (EMRI)

Një 49-vjeçar është vënë në prangat e policisë pas dhunës të ushtruar ndaj bashkëshortes së tij dhe xhaxhait.

Është arrestuar Xhevdet Seferi 49 vjeç, banues në Zgërdhesh, Krujë. Në gjendje të rëndë, ai raportohet se ka rrahur bashkëshorten 38 vjeçe dhe më pas xhaxhain e tij 63 vjeç, të cilin e ka goditur me thikë.

Detaje të Policisë së Durrësit:

Specialistët për Krimet në Komisariatin e Policisë Krujë arrestuan në flagrancë shtetasin:

• Xhevdet Seferi 49 vjeç, banues në Zgërdhesh, Krujë.

Më datë 14.03.2017, rreth orës 14:00, në gjendje të dehur, në banesë ka ushtruar dhunë fizike dhe psikologjike ndaj  bashkëshortes së tij shtetases M.S.  38 vjeçe.

Xhaxhai i të arrestuarit, shtetasi K.S. 63 vjeç është përfshirë me qëllim për të shuar konfliktin midis bashkëshortëve, por i arrestuari e ka goditur me mjet prerës(thikë).

Për pasojë, i dëmtuari ndodhet në Spitalin Ushtarak Tiranë jashtë rrezikut për jetën.

Materialet i kaluan Prokurorisë së Rrethit Gjyqësor Krujë për veprime të mëtejshme për veprat penale”Dhunë në familje”dhe”Vrasja me dashje”e mbetur në tentativë parashikuar në nenet 130/a dhe 76, 22 të Kodit Penal.

(XH.A/SHUPLAKA)