Rrahu dhe plagosi të dashurën, Boateng rrezikon deri në 5 vite burg: Ja çfarë tha përballë gjykatës

Futbollisti gjerman Jerome Boateng është paraqitur në gjykatë në Mynih për akuzat se ai ka sulmuar ish-të dashurën e tij në 2018.

Mbrojtësi akuzohet se plagosi nënën e vajzave të tij binjake, të quajtur Sherin, gjatë një mosmarrëveshjeje gjatë pushimeve.

Prokurorët kanë akuzuar ish -mbrojtësin e Bayern Munich dhe fituesin e Kupës së Botës 2014 për dëmtim të qëllimshëm.

Boateng, 33 vjeç, i ka mohuar akuzat. Nëse shpallet fajtor, ai mund të gjobitet ose të burgoset deri në pesë vjet. Përpara gjyqit, prokurorët akuzuan Boateng se ka ofenduar, e ka goditur dhe tërhequr flokët e Sherin.

Në gjykatë, Boateng tha se ai nuk e sulmoi ish të dashurën e tij dhe përshkroi një version të ndryshëm të ngjarjeve.

Ai tha se ai dhe ish e dashura e tij u grindën pasi tensionet u përshkallëzuan gjatë lojës me letra.

Boateng tha se ish -partnerja e tij ishte bërë agresive dhe ofenduese, dëmtoi buzën dhe e goditi. Kur ai u përpoq ta largonte atë prej tij, ajo ra, tha Boateng në gjykatë.

Gjykata do të dëgjojë dëshminë e katër dëshmitarëve, njoftoi kanali televiziv gjerman RTL. Një aktgjykim mund të jepet të enjten, e vetmja ditë e caktuar e procedurës.

Seanca do të zhvillohej në dhjetor, por u shty sepse dëshmitari nuk ishte në gjendje të paraqitej.

Një emër i spikatur në botën e futbollit dhe në mediat sociale, Boateng ka pasur një karrierë të dekoruar për klubin dhe vendin.