Një 53-vjeçar ka rënë në pranga në Dibër pasi akuzohet se ushtroi dhunë ndaj gruas së tij. Burime zyrtare nga policia e Dibrës bënë me dije se bëhet fjalë për shtetasin Edmond M, banues në Peshkopi.
Denoncimi në polici është bërë gruaja e tij, 37 vjeçarja me iniciale D.M.
DETAJE:
Nga Specialistët për Hetimin e Krimit në Komisariatin e Policisë Dibër, është bërë arrestimi në flagrancë i shtetasit: Edmond. M, 53 vjeç, banues në Peshkopi. Arrestimi i tij u bë pasi në Komisariatin e Policisë Dibër, është paraqitur dhe ka bërë kallëzim bashkëshortja e tij, shtetasja D.M, 37 vjeçe banuese në Peshkopi, se bashkëshorti i saj në mënyrë të vazhdueshme, ka ushtruar dhunë fizike dhe psikologjike edhe në prezencë të fëmijëve të tyre të mitur. Materialet hetimore i kaluan Prokurorisë Rrethit Gjyqësor Dibër, për veprën penale “Dhunë në familje”, parashikuar nga neni 130/a, pika 4, i Kodit Penal. (J.V/Shuplaka)
Discussion about this post