Rrahu nënën, babanë e motrën 12 vjeçe, arrestohet 19-vjeçari

Një 19-vjeçar akuzohet se ka dhunuar prindërit e tij dhe motrën. Është arrestuar Agim D. 19 vjeç, banues në Rrogozhinë.

Mësohet se i riu ka rrahur nënën, babanë dhe motrën e tij. Burime nga policia bënë me dije se Agim D., 19 vjeç, akuzohet se ka ushtruar dhunë fizike dhe psikologjike ndaj familjarëve të tij; babait A. D., 50 vjeç, nënës R. D., 40 vjeçe dhe motrës S. D., 12 vjeçe.

Gjatë kontrollit të ushtruar në banesë, policia ka gjetur dhe sekuestruar një pushkë model 56, e cila është sekuestruar në cilësinë e provës materiale.

Materialet proceduriale i’u kaluan Prokurorisë Pranë Gjykatës së Shkallës së Parë Tiranë, për veprat penale “Dhuna në Familje” dhe “Prodhimi dhe mbajtja pa leje e armëve luftarake dhe e municionit”.

Detaje të policisë:

Më datë 09.01.2017, Specialistët e Komisariatit të Policisë Rrogozhinë, kanë arrestuar në flagrancë shtetasin: – Agim D., 19 vjeç, banues në Rrogozhinë Ky shtetas ka ushtruar dhunë fizike dhe psikologjike ndaj familjarëve të tij, babit A. D., 50 vjeç, nënës R. D., 40 vjeçe dhe motrës S. D., 12 vjeçe. Gjithashtu nga kontrolli i ushtruar në banesën e këtij shtetasi është gjetur dhe sekuestruar në cilësinë e provës materiale: – Një armë zjarri, pushkë, model 56. Materialet proceduriale i’u kaluan Prokurorisë Pranë Gjykatës së Shkallës së Parë Tiranë, për veprat penale “Dhuna në Familje” dhe “Prodhimi dhe mbajtja pa leje e armëve luftarake dhe e municionit”, parashikuar nga Nenet 130/a/1 dhe 278/2 të Kodit Penal.

(XH.A/SHUPLAKA)