Ish-lojtari i ekipit kombëtar Altin Rraklli që gjatë këtyre ditëve është përfolur për përfshirjen në një skandal bastesh, gjyqi i të cilit përfundoi dje në Austri deklaron se është viktimë e një takimi të rastësishëm.
Në një intervistë për Top Channel ish-sulmuesi deklaron se ka bërë vetëm rolin e përkthyesit.
“Isha pjesë e një tavoline me miqtë e mi dhe kam bërë thjesht rolin e përkthyesit, por pa e ditur se për cfarë bëhej fjalë. Dua të sqaroj opinionin se nuk kam gisht në këtë ngjarje’, u shpreh Rraklli.
Por ndërkohë Rraklli nuk i ka shpëtuar dënimit. “Është një dënim me kusht për 10 muaj, si edhe një gjobë prej 1.200 euro, të vlefshme për shtetin austriak”, sqaroi Rraklli në një intervistë për gazetarin e Top Channel, Endi Tufa.