Rrebeshe shiu dhe vranësira, mësoni si do të jetë moti për sot

Pas disa ditëve me diell, moti duket se po karakterizohet nga vranësira dhe shira të izoluar.

Edhe sot sipas MeteoAlb moti do të jetë me intervale të shkurta kthjellimesh dhe vranësira të shpeshta në të gjithë vendin, më të dendura në zonat lindore duke gjeneruar shira, të cilët në mesditë shtrihen në të gjithë territorin, herë pas-here në formë rrebeshi.

Pasditja vijon në ndikimin e vranësirave dhe shirave të dobët në zonat malore duke lënë me mot të vranët bregdetin dhe zonën e ulët.

Temperaturat e ajrit do të ulen në mëngjes  por rriten në mesditë  duke luhatur vlerat ditore nga 6°C në zonat malore deri në 26-27°C në zonat e ulta.

Era do fryjë mesatare me shpejtësi 35 km/h nga drejtimi Juglindor duke krijuar në det dallgëzim 3 ballë.

(E.K/FAXWEB.AL)