Amarda Toska dhe Ermal Mamaqi, vetëm pak ditë më parë kanë festuar 10-vjetorin e biznesit të tyre dhe organizuan një festë.
Por vetë Ami ka qenë ajo e cila është rrëfyer pasditen e djeshme në “Rudina” në Tv Klan. “Mbaj mend që në fillim të biznesit, punoja në Portokalli. Të premten dhe të shtunën ishte shfaqja, ndërsa të dielën, ndërsa transmetohej Portokallia, unë isha në terren me tuta. Njerëzit shpesh edhe habiteshin kur më shikonin: Ami? më pyesnin me dyshim kur më shikonin ashtu…Ishin vite me sfida dhe vështirësi të mëdha, shpeshherë edhe ekomike…”, tregon Ami.
Më tej ajo tregon se me Ermalin fillimisht kishin marrë një kredi, pastaj e ndihmonin biznesin edhe me rrogat në televizion.
“Fillimisht kemi marrë një kredi, pastaj edhe me rrogat që merrnim edhe nga puna në televizion… Ishim shumë të rinj atëherë. Është e vërtetë, rrogën e parë e kam marrë në Klan dhe i jam shumë mirënjohëse Klanit për mundësinë që më ka dhënë. Në atë kohë, unë sapo kisha mbaruar shkollën e mesme kur u bëra pjesë e grupit të Albit…”, tregon moderatorja. (J.V/Shuplaka)
Discussion about this post