Gjithmonë nuk ka folur shumë gjatë për jetën e saj private por të gjithë e dimë që prej 15 vitesh ajo është e martuar. Në një rrëfim në emisionin “Rudina” Artjola Toska tregon për martesën e saj me burrin Adi, i cili për publikun nuk është një personazh shumë i njohur. Po kështu ajo tregon edhe për projektet e saj muzikore dhe sukseset koncert pas koncerti.
Përsa i përket njohjes me bashkëshortin Artjola tregon se ajo u njoh rastësisht me të në Prizren në një darkë familjare dhe që prej atij momenti lindi dashuria mes tyre. “Ishte dashuri me shikim të parë. Adi nuk ka lidhje me muzikën . Vjen nga një familje që e njeh artin dhe e vlerëson atë, por vetë nuk janë pjesë e saj. Megjithatë ka një vesh absolute dhe është kritik shumë i mirë për mua. Ndodhta e ka edhe trashigim këtë pjesë pasi babi i tij ka qenë rregjizor”, u shpreh këngëtarja.
Kënga “Për ty”e publikuar vetëm dy vite më parë nga këngëtarja i është dedikuar burrit të saj, pohon Toska. Përsa i përket të qenurit nënë Artiola ka thënë që këtë gjë e ëndërron prej vitesh.
“Unë e kam dëshiruar prej kohësh por nuk ka qenë kismet. Nuk ka ardhur ora. Nganjëherë gjerat vijnë atëherë kur nuk i pret”, u shpreh ajo. (J.V/Shuplaka)
Discussion about this post