Autori i vrasjes të të riut Gazmend Sllami në Elbasan, Altin Hazizi ka pranuar përpara grupit hetimor autorësinë e krimit. Sipas tij dy të rinjtë kishin dalë për gjah me njëri tjetrin dhe në mënyrë aksidentale ai e ka qëlluar me çifte shokun e vetë.
‘’E vrava pa dashje shokun tim. Po mësonim si të përdornim armën dhe unë nuk e di pse ajo u shkrep në momentin që Gazmendi ishte përballë meje. Kur e pashë atë të shtrirë u largova nga paniku. Mendoja të vrisja veten. Ju kërkoj falje familjarëve të tij’’, është shprehur autori.
Një fakt disi i dyshimtë në vendin e ngjarjes është se u sekuestruan pesë telefona celularë dhe një gëzhojë pranë trupit të viktimës. Sllami ishte larguar nga shtëpia atë mesditë pa lajmëruar se ku do të shkonte.
Discussion about this post