Këtë 7 mars kreu i opozitës Lulzim Basha nuk ka uruar akoma mamanë e tij e cila është një mësuese. Në protestën e opozitës, Basha tha që nuk ka patur kohë ta uronte të ëmën, prandaj zgjedh ta bëjë atë publikisht.
“Sot pas katër vitesh, buxheti i Rilindjes është më regresivi që Shqipëria ka patur, rrugat e mësuesve janë vend numëro, infrastruktura është vend numëro dhe hapa prapa. Egjitha kjo sepse arsimi dhe shëndetësia, si fushat e tjera të qeverisjes, vuajnë nga propaniteti, korrupsioni qeveritar dhe nga mungesa totale e vizionit dhe modelit europian të zhvillimit.
E dini se goditja dhe diskriminimi i mësuesve dhe pedagogëve, është një e keqe e dyfishtë sepse godet në radhë të parë vetë mësuesit dhe pedagogët, dhe godet në radhë të dytë brezin e ri dhe prindërit e tyre. Dhe nuk ka krim më të rëndë, dritëshkurtësi më të madhe se të presësh fondet për arsimin, të godasësh mësuesit dhe të bësh fushata spastrimi politike në korpusin e mësuesve dhe pedagogëve të një vendi.
Jemi dëshmitarë se këto katër vite ka ndodhur kjo e fundit. Shkollat janë shndërruar në qendra të pastra të krimit ndaj brezit të ri, ndërkohë që mësuesit gjenden në kushtet e një presioni psikologjik dhe politik, duke përfshirë edhe presionin dhe elektroral që ka vendosur qeveria e krimit dhe e drogës.
Sot është dita që të jap përshëndetjet e mia të përzemërta çdo mësuesi dhe çdo mësuesje, në veçanti atyre në pension dhe atyre të larguar padrejtësisht nga sistemi arsimor dhe Universitetet e Shqipërisë. Unë e di se sa e vështirë është puna juaj sepse jam vetë djali i një mësueseje, dhe sot kam rastin ta uroj edhe time më si mësuese meqë nuk pata mundësi ta uroj paradite. Por shoqëria duhet ta shprehë këtë vlerësim, këtë mirënjohje me vepra dhe me fjalë.”, tha Basha në çadrën e opozitës. (D.D/Shuplaka)
Discussion about this post