Gruaja e pronarit të një dyqani ushqimor, Agim Arapi, i cili ndërroi jetë tre ditë më parë pasi u sulmua nga tre komshinj të pallatit ku kishte dyqanin.
Bashkëshortja e viktimës, Vjollca Arapi, në një intervistë për gazetaren Klodjana Haxhiaj, shprehet kundër lirimit të të riut Jurgen Kurti, i njohur si menaxheri i VIP-ave.
Vjollca tregon minutat e tmerrit ku bashkëshorti i saj u masakrua me grushte e sende të forta. Ajo tregon se djali Dervis Arapi, e pa babain e masakruar dhe të shpërfytyruar në dyqan.
Jurgen Kurti, i akuzuar një vit më parë për vrasjen e babait të tij, sipas Familjes Arapi nëse ai lihet sërisht të qarkullojë i lirë, mund të përbëjë rrezik për një tjetër person.
Zonja Vjollca ju jeni dëshmitarja e vetme e ngjarjes, mund të na thoni si ndodhi sherri?
Kalon Jurgeni, kaloi data e qirasë. I thashë Jurgen do ta paguash qiranë. “Do të vras” tha. Po thashë unë ti qenke burrë maskara. Burri im ishte në shtëpi. Ky tha “qepe gojën se do të vras”. Zbret burri im. Tha ‘çke mo Jurgen”. I thashë lene-lene Gimi se u sqarova unë. E mora burrin tim dhe u ul në dyqan brenda, ka qenë ora 19:30. Për 10 minuta pas kësaj kam marrë një telefonatë nga Koçi. “Më prit tha se do vij të vras”. Ka ndodhur për gjysmë ore. S’ma mori mendja se do vijnë këta. Vjen Koçi “duhet të qetësosh Jurgenin edhe duhet t’i kërkosh falje”, tha. Këto syze janë të vëllait të tij dhe kanë rënë tek dyqani im. Më vjen po ky, i vëllai dhe më ul direkt qepenin. Unë isha brenda, ul qepenin. Mos e prekni me dorë iu thashë se ky ka bërë koronaren, ju lutem mos e prekni iu thashë (qan).
Çfarë ndodhi më pas, a kërkuar ndihmë?
Mora telefonin, ngre qepenin edhe dal me vrap përjashtë. Kërkoj ndihmë. E kishin myt. Faktike unë kam parë kur erdhën këta, Koçin dhe vëllain e Koçit.
Po pse akuzoni Jurgen Kurtin si autor?
Tek kamera tani që unë e shikoj që jam e qetë, atë e ka vrarë Jurgeni se Jurgeni nxjerr një gjë dhe të tre i kanë thyer kockën e hundës.
Dervis ju nuk keni qenë kur ndodhi ngjarja por çfarë ju thanë për arsyet e vdekjes?
Pashë një tmerr me sy, shyqyr tek xhenazja e kishin rregulluar pak, nuk ishte ai Gim që ishte në fillim por ishte totalisht skandaloz. Nuk shihej. Hematoma, gjëra, fryrje. Në fillim thashë nuk është ky.
Zonja Vjollca çfarë kërkoni ju, keni një apel?
Nuk paska shtet për Jurgenin. Më datën 9 prill ka vrarë babën e vet, më 11 prill vrau burrin tim. Kush e di kujt do t’i vijë radha se ai është i lirë akoma. Ai dje ka shëtitur këtej, dje ka shëtitur me makinë e kam parë.
Dervis Arapi: Dua që vetëm ata të kalben në burg. Të paktën ato vite që t’i bëjnë, ti mendojnë kokës dhe të jetë një mesazh për të gjithë njerëzit që bëjnë këto gjëra, mos të arrijnë deri aty. (D.D/Shuplaka)
Discussion about this post