Këngëtarja e njohur e Eli Fara, rrëfen mbi marrëdhënien e saj më të bijën Marina. E ftuar në emisionin “Tek Unë me Arjola Shehun”, Eli shprehet se është pak e vështirë të bëhet shoqe me të.
“Nuk eshte se jemi shoqe, eshtë pak e vështirë të bëhesh shoqe nënë e bijë, por Marina është një vajzë mjaft e dashur edhe e edukuar. Është njerëzore Marina, shumë sociale, shumë e hapur, nuk ka mendjemadhësi, përshtatet me të gjithë dhe i do shumë njerëzit.”, thotë Eli Fara.
Ndër të tjera, këngëtarja tregon se ajo është bërë nënë që në moshën 18-vjeçare, por pavarësisht vështirësive që ka kaluar, ajo nuk do donte kurrë ta ndryshonte këtë gjë.
“Kështu ishte e shkruar, unë nuk do ndryshoja asgjë. Jam përpjekur të bëj më të mirën në çdo situatë. Ndonjëherë të bie për pjesë çdo lloj gjëje dhe ndoshta atje është e bukura e jetës, t’ja dalësh edhe kur ka shumë fortuna në jetën tënde.”, shton ajo. Të sjellësh në jetë një fëmijë është bekimi më i madh për një femër! (D.D/Shuplaka)
Discussion about this post