Aktori i njohur Gent Bejko ka treguar se përse është larguar nga vendi i tij. Në emisionin “Tek Unë me Arjola Shehun” përmes një lidhje me Skype, Bejko foli për projektet e tij në Kanada dhe SHBA dhe sesi është jeta larg Shqipërisë.
Por i pyetur nëse ka ndërmend të kthehet më ai u shpreh se nuk ka ndonjë dëshirë të madhe për t’u kthyer në Shqipëri.
“Unë u largova nga Shqipëria rreth një vit e gjysmë më parë. Kurrë nuk duhet të thuash kurrë, por për momentin nuk kam ndonjë dëshirë të madhe për t’u kthyer. Nuk më krijon ndonjë mungesë të madhe, jam përshtatur shumë këtej dhe kam përshtypjen se vendi yt është ai ku ti përshtatesh më mirë. Më mungojnë vetëm të afërmit dhe miqtë e mi më të mirë, shumica prej të cilëve nuk kanë lidhje me artin, por s’më mungon asgjë tjetër”, u shpreh aktori. (J.V/Shuplaka)
Discussion about this post