07:32 | 20/05/2025
Nuk ka rezultat
View All Result
FaxWeb
  • Faqja Kryesore
    • Kontakt
  • Politikë
  • Aktualitet
  • Ekonomi
  • Veç e jona
  • Kosova
  • Bota
  • Sport
  • ShowBiz
  • Emisione
  • Faqja Kryesore
    • Kontakt
  • Politikë
  • Aktualitet
  • Ekonomi
  • Veç e jona
  • Kosova
  • Bota
  • Sport
  • ShowBiz
  • Emisione
Nuk ka rezultat
View All Result
FaxWeb
Nuk ka rezultat
View All Result
Fillimi Aktualitet

Rrëfehet Hila: Pse shkova sot në çadër

18:04 | 13/03/2017
në Aktualitet, Te Gjitha
0
Rrëfehet Hila: Pse shkova sot në çadër

Dritan Hila ka treguar dhe sqaruar arsyet pse morri pjesë në “Çadra e Lirisë”. Sipas tij ai shkoi në çadër për të biseduar dhe njohur njerëz që kanë dalë në protestë për të kërkuar të drejtën e tyre të cilën e mendojnë të shkelur.

“Një arsye tjetër ishte, sepse shikoj shumë shqiptarë që po ikin. Nuk janë 20 apo 30 vjeçarë në kërkim të aventurës. Janë 50 vjeçarë, miq të mij, që po marrin nga sytë këmbët në një moshë kur njeriu fillon udhëtimin përmbyllës të jetës”, shprehet Hila. 

Shkrimi:

Ftesës së ardhur nga PD për të qenë pjesë e panelit që do kishin të hënën paradite, nuk ju përgjigja pa mëdyshje. Pjesëmarrja ime aty do të dëmtonte imazhin publik të një moderatori emisioni dhe paanshmërinë e medias ku punoj. Por jo vetëm. Shumë nga njerëzit e së majtës apo të pavarur do ta kishin të vështirë ta kuptonin dhe ca më pak që ta justifikonin këtë hap timin. Kjo ka rëndësi për mua, pasi janë njerëz që i vlerësoj. Shto edhe faktin se ndaj PD nuk kam pasur dhe nuk kam asnjë afeksion shpirtëror, ma bënte më të vështirë vendimmarrjen. Me PD-në më ndajnë më shumë gjëra, se më bashkojnë. Më ndan qëndrimi ndaj pronës, shtetit, individit, varfërisë, të shkuarës 50 vjeçare dhe luftës nacionalçlirimtare.
Por në fund vendosa të shkoj.
Shkova së pari për të biseduar dhe njohur njerëz që kanë dalë në protestë për të kërkuar të drejtën e tyre të cilën e mendojnë të shkelur.
Me siguri janë më shumë se ata që janë në çadër. Ka më shumë njerëz sesa janë në çadër që mendojnë se këtu është në rrezik vota e lirë, se krimi i organizuar po merr dhenë dhe kërcënon zgjedhjet e lira. Unë jam një ndër ata, dhe shkova në çadër dhe ju thashë se ashtu si në 2009-ën kam protestuar për zgjedhje të lira, edhe sot bashkohem me ata që mendojnë se ky institcion është i rrezikuar.
Shkova në vendin e protestës për të qenë koherent me veten time, pasi nuk mundem që të kritikoj gjithë ditën dhe pastaj të bëj qibarin, sikur këta nuk e meritojnë të dëgjohen. Edhe ata janë njerëz që thithin të njëjtin ajër si unë, hanë të njëjtat ushqime dhe duan të bëhet ky vend.
Një arsye tjetër ishte, sepse shikoj shumë shqiptarë që po ikin. Nuk janë 20 apo 30 vjeçarë në kërkim të aventurës. Janë 50 vjeçarë, miq të mij, që po marrin nga sytë këmbët në një moshë kur njeriu fillon udhëtimin përmbyllës të jetës. Dhe këtë ta bën vetëm një hall i madh. Ky vend duhet të ishte 4.2 milionë, por ka 1.5 milionë banorë më pak. Në 26 vjet është plakur më shumë dhe nuk ka një rreze shprese në fund të tunelit. Dhe arsyeja është se shumë pak politikanë mendojnë me përgjegjshmëri për këtë dramë. Shkova t’iu them atyre që janë në çadër që në këtë mesele kush më shumë e kush më pak, të gjithë jemi fajtorë, por është koha t’i thërrasim mendjes.
Isha për t’iu treguar se dhe nga ana tjetër e llogores ka njerëz që shqetësohen për këtë vend, se jemi dy palë që duhet të komunikojmë dhe duhet të gjemë gjuhën e përbashkët.
Isha poshtë kryeministrisë për t’i kërkuar kryeministrit dhe kryetarit të kuvendit të mos jenë arrogant me opozitën. Në ditën më të keqe, ajo përfaqëson një të tretën e shqiptarëve. Nuk zgjidhet puna duke i injoruar.
Aq më pak do të ketë rrugëdalje duke e deligjitimuar.
Maxhoranca e sotme mund t’ia dalë në të dyja versionet të arrijë qëllimin e saj. Madje mund ta nxjerrin edhe jashtë sistemit. Por ajo që do mbjellin është vetëm fara e një konflikti të ardhshëm.
Isha aty edhe për t’iu thënë se kjo opozitë do të ishte më e besueshme nëse betejën do ta bënte edhe për të tjerët, nëse në kauzën e saj fuste ndryshimin e sistemit zgjedhor, duke bërë të mundur votimin e alternativave të reja politike. Kjo po, që do të ishte një kauzë sublime kur luftohet edhe për të tjerët. Isha për t’iu kërkuar nevojën e reformimit, që të linin historinë të merrej me njerëzit që bënë historinë e PD dhe të shikonin në ngritjen e lidershipit të ri dhe modern, duke ju kërkyar që të hiqnin dorë jo vetëm nga Berisha, por edhe bashkëpunëtorët e tij.
Nevoja që të përkrahim një lidership të ri ishte edhe arsyeja tjetër që shkova aty. Dhe kjo nuk mund të bëhet ex katedra, por duke ju dhënë mundësinë.
Ironia e fatit ishte se pasi dola nga çadra dhe shkuam me Lulzim Bashën të pinim kafen e rastit, tek Rogneri u përballëm me ish drejtorin tim në MPJ. Ishte ai që dikur mbiu tek zyra e Bashës, kur ky ishte ministër, të më pushonte nga puna si të majtë. Ai sot punon në shtet, dhe unë i uroj gjithë të mirat. Jo se jam natyrë ekumenike, por nëse sot po kërkojmë pajtimin kombëtar duke u përpjekur të mirëkuptojmë se pse disa shqiptarë bashkëpunuan me fashizmin, duhet të jemi në gjendje ta bëjmë këtë me ca shqiptarë të tjerë, të një kohe tjetër./dritare.net

Etiketa: arsyetcaderDritan Hila
Pas

Policia publikon masat për Ditën e Verës, rrugët që do të bllokohen (FOTO)

Para

Basha: Qeveria Rama romët dhe egjiptianët i ka lënë në rrugë dhe në mes të hallit

Para
Basha takim me biznesin: Të ndalim lojën kukafshehthi gjoja në emër të tregtisë së lirë

Basha: Qeveria Rama romët dhe egjiptianët i ka lënë në rrugë dhe në mes të hallit

Discussion about this post

 



Të Fundit

Në kërkim të partnerëve tregtarë! Shqipëria përqendrohet në rajon, rrit shkëmbimet nga Kosova dhe Maqedonia e Veriut

Presidentja e Kosovës, Vjosa Osmani është kërcënuar me jetë. Ja e-mail i cili ka mbërritur në adresën e Presidentes Osmani

Gara për Tiranën/ Përfundon numërimi, Olta Xhaçka në Parlament! Gjylameti, Majko, Kodheli e Felaj mbeten jashtë

Erion Veliaj bën rekurs në Gjykatën e Lartë, kërkon ndryshimin e masës së sigurisë “arrest me burg”

Lista Serbe kërkon kompromis, ndërsa Prishtina vazhdon mbylljen e institucioneve të Serbisë

Ministri i Jashtëm kinez: Pekini respekton sovranitetin e Danimarkës në Greonland

Zjarri në shtëpinë e kryeministrit anglez, policia arreston të dyshuarin e tretë për ngjarjen

Aksident i rëndë në Itali! Kamioni përplaset me autobusin e mbushur me nxënës, vdes një mësues

Përfundon pas 2 orësh telefonata mes Donald Trump dhe Vladimir Putin/ Presidenti rus: Gati të punojmë për një Memorandum për Ukrainën përfshi armëpushimin

Franca çon kriminelët në xhungël! Burg i sigurisë së lartë në Guajanën Franceze

© Copyright 2025, Të Gjitha të Drejtat e Rezervuara, Dev by Techzero1.com.

Nuk ka rezultat
View All Result
  • Faqja Kryesore
    • Kontakt
  • Politikë
  • Aktualitet
  • Ekonomi
  • Veç e jona
  • Kosova
  • Bota
  • Sport
  • ShowBiz
  • Emisione

© Copyright 2025, Të Gjitha të Drejtat e Rezervuara, Dev by Techzero1.com.