Rrëfehet ish-komandoja Neim Avdulaj, i cili u arrestua pak ditë më parë nën akuzën se është përfshirë në grabitjen e 3.2 milionë dollarëve në Qafë-Kashar.
Përpara grupit hetimor, Avdulaj ka treguar se si u organizua plani për grabitjen e parave. Vet ëish-komandoja tregon se ka qenë personi që ka dalë garant se do gjente persona të tjerë, të aftë për të kryer grabitjen. Në grabitjen e parë, atë të vitit 2015, çantat janë shpërndarë nga Adi. Kështu thirret shkurt Admir Murataj nga Tropoja, i cili konsiderohet si “koka” e grupit.
Ndërsa për grabitjen e dytë ai ka treguar se për 8 muaj rresht ka pirë kafe pranë një qendre tregtare, duke vëzhguar lëvizjet e autoblindave.
“U njoha me Admir Çerpjen nga një kushëriri i tij që ishte me mua në misionet paqeruajtëse në Afganistan. Pasi u bë plani, tetë muaj kam pirë kafe pranë një qendre tregtare pranë Piramidës, nga ku kam survejuar lëvizjet e blindave të bankës. Biseda ishte kjo, do të informoja Çerpjan për çdo lëvizje deri ditën që u krye goditja.”, tha Avdulaj.
Ish-komandoja u kap mbrëmjen e 14 shkurtit, pasi doli nga një kazino në qytetin e Vlorës. (D.D/Shuplaka)
Discussion about this post