Solli në jetë vajzën e saj, Kristalin dhe vetëm një muaj më pas u kthye në drejtimin e programit të saj. Bëhet fjalë për moderatoren Jonida Shehun.
E ftuar në emisionin “Tek Unë” në InTv nga Arjola Shehu, gazetarja Shehu ka ndarë disa detaje edhe nga jeta e saj personale. Një nga pikëpyetjet që u ngrit pasi Jonida lindi vajzën e saj, ishte se përse ajo menjëherë u kthye në krye të “Pasdite në Top Channel”.
“Kisha dy opsione. Kristali ka ardhur në jetë në 28 gusht, në prag të fillimit të sezonit të ri televiziv. Ose do e lija të gjithë sezonin dhe ndoshta edhe televizionin për pak kohë, ose zgjidhja e dytë ishte që me mirëkuptimin e drejtuesve, të shtynim fillimin e sezonit me vetëm një muaj dhe unë pastaj të kthehesha, kësaj here edhe si autore e “Pasdites”. I mbylla sytë dhe thash do ta bëj. Ishte e frikshme ta mendoje, por unë nuk e mendova shumë gjatë nga frika se mos gjërat komplikoheshin edhe më shumë”, tha gazetarja
Më tej pyetjes së moderatores se çfarë të shtyu të merrte një vendim kaq të vështirë i është përgjigjur: “Nuk kisha zgjidhje tjetër. Nuk e kishim në familjen tonë luksin që një nga ne të qëndronte pa punë në këtë periudhë. Pavarësisht se do të doja shumë që pas 15 vitesh televizion të kisha vetëm një vit kohë për t’ju përkushtuar vajzës sime, në fakt nuk e kam këtë luks. Fati i madh është që ne patëm prindërit tanë që na ndihmojmë më rritjen e vajzës”, përfundon prezantuesja karizmatike”. (J.V/Shuplaka)
Discussion about this post