Rrëfehet Kamela Islamaj për “fobinë” ndaj martesës: Jam e dashuruar por letrat më shtien frikën

Kamela Islamaj, e njohur për zërin e saj dhe profesionalizmin në muzikë na ka treguar së fundmi detaje të reja nga jeta e saj personale. 

Islamaj e ka bërë tashmë publike lidhjen e saj me Dj italian dhe është shumë e lumtur për këtë lidhje dashurie 3 vjeçare. 

E ftuar në emisionin “E diell” të moderatorit Adi Krasta ka folur për martesën të cilën ajo nuk e sheh në planet e saj të afërta dhe bashkëjetesën si alternativën më të mirë për t’u njohur më mirë. 

“Nuk e di pse, [martesa] më duket diçka shumë e madhe dhe e vështirë, kurse bashkëjetesa është e njëjta gjë, vetëm se kur martohesh veç sa firmos ca letra. S’e di, letrat më shtien frikën. Pastaj në bashkëjetesë njiheni më mirë, duke jetuar bashkë për një kohë të gjatë, e kupton më mirë çfarë i pëlqen dhe nuk i pëlqen tjetrit. Më thotë “la mia pricipessa”, në italisht dhe pastaj: “të dua shumë”, në shqip.”, tregoi këngëtarja. (J.V/Shuplaka)